Tag Archives: გიო სუმბაძე

ინტერვიუ გიო სუმბაძესთან ნიუ იორკში გალერეა Art in General-ში ქართველი არტისტების გამოფენის Beyond Credit შესახებ

2 თებერვალს ნიუ იორკში გალერეა Art in General-მა ბრუკლინში ქართველი არტისტების ჯგუფის გამოფენით Beyond Credit ახალი სივრცე გახსნა. გამოფენაში მონაწილეობენ თეა გვეტაძე, მამუკა ჯაფარიძე, ნიკა მაჩაიძე, ნინო სეხნიაშვილი და გიო სუმბაძე. კურატორი არის ვატო წერეთელი.

ქართველი კურატორის და არტისტების მრავალმხრივ საინტერესო გამოფენამ დამთვალიერებლების საკმაოდ დიდ ნაკადს უმასპინძლა და 2016 წლის აპრილამდე კიდევ ღია იქნება.  მოხარულნი ვართ, რომ გამოფენის მხარდამჭერთა შორის Project ArtBeat-იც არის.

Beyond Credit შესახებ გიო სუმბაძეს, Project ArtBeat-ის არტისტს და გამოფენის მონაწილეს ვესაუბრე.

es

მარიამ ლორია – ვისი იდეა იყო Art in General-ში გამოფენის გაკეთება? როგორ შეიკრიბეთ?

გიო სუმბაძე – შარშან მესტუმრნენ Art in General-ის კურატორები ქირსთენ ჩაპა (Kirsten Chappa) და ენ ბერლოუ (Anne Barlow). მათ შევხვდი და ვისაუბრეთ. შემდეგ ვატოს შეხვდნენ CCA-ში და უკვე საქმიანი ურთიერთობა დაიწყეს.  Art in General -თან თანამშრომლობით პირველი ჩუბიკას გამოფენა  გაკეთდა 2015 წელს. მეორე გამოფენა უკვე ჩვენი ჯგუფის არის Beyond Credit სადაც ვმონაწილეობთ თეა გვეტაძე, მამუკა ჯაფარიძე, ნიკა მაჩაიძე, ნინო სეხნიაშვილი, მე. გამოფენა კურირებული არის ვატო წერეთლის მიერ. ეს იყო პარალელურად მათი ახალი სივრცის გახსნა.

მ.ლ. შენ რას ფიქრობ გამოფენაზე? როგორი გამოვიდა?

გამოფენის კონტექსტი ძალიან კარგად  შეკრული და გამართულია. ყველა ნამუშევარი დიალოგშია  ერთმანეთთან. საქართველოსა და ამერიკის დიალოგის მხრივაც ძალიან გამართული და საინტერესო იყო. ჩემთვის ეს ძალიან მნიშვნელოვანი გამოფენაა. კარგად იყო ორგანიზებული ჩვენი მხრიდანაც და Art in General-ის მხრიდანაც. საერთოდ მნიშვნელოვანი ორგანიზაცია ჩანს. Project ArtBeat-ს მადლობა, რომ ხელი შემიწყო რომ წავსულიყავი გამოფენაზე. Art in General-ის სივრცეში რომ  გამოჩნდა, ეს  მგონი ArtBeat-ისთვის ძალიან კარგია.

ess

მ.ლ. შენი ნამუშევრის შესახებ მომიყევი რომელიც იყო Beyond Credit-ზე წარმოდგენილი.

გ.ს. – ნამუშევარი სპეციალურად ამ სივრცისთვის გავაკეთე. მას ქვია Connecting Skies / ცების დაკავშირება. ძალიან მაინტერესებს ეკოლოგიის თემა და ის პროცესები რაც ბუნებას შეეხება. შესაბამისად თვალყურს ვადევნებ ამ მხრივ მიმდინარე პროცესებს საქართველოშიც და ამერიკაშიც. რადგან საშუალება მქონდა, ამ თემას გამოვეხმაურე ჩემი ნამუშევრით.  მე მაინტერესებს ატმოსფერული ფიზიკა და გარემოს დაბინძურების/ სისუფთავის დონე, სად როგორი მაჩვენებელი არის. ამ მხრივ ამერიკა ერთ-ერთი საუკეთესოა, რადგან ყველაზე მეტად უფრთხილდება ეკოლოგიას. შესაბამისად ჩვენი ღრუბლების ჩვენება იქ მემეტება, რადგან ვიცი რომ ამერიკაში ზრუნავენ გარემოზე, წმენდენ და ასუფთავებენ, არ აბინძურებენ მას. ამ მხრივ საინტერესო იყო ამერიკის კონტექსტი.

მეორე მხრივ, ჩემთვის მნიშვნელოვანი იყო დიალოგი  Beyond Credit-ის არტისტების ჯგუფთან  და კურატორთან. თეა გვეტაძესთან ერთად პირველი გამოფენა იყო და მეამაყება. სხვებთან ადრეც მიმუშავია და საინტერესო იყო მათთან მუშაობა კიდევ ერთხელ.

მ.ლ.ჩამოიტანე ნიუ იორკიდან იდეები? მასალები?

გ.ს. – კი, რა თქმა უნდა! ასე შორს ტყუილად წასვლა დაუფიქრებელი იქნებოდა. ის მასალები, კადრები რაც ნიუ იორკიდან მაქვს, ვფიქრობ რომ რაღაცნაირად ნამუშევრების სახესაც მიიღებს. ჯერ არ ვიცი სად და როგორ ვაჩვენებ.

 

მარიამ ლორია

მარტი, 2016

Project ArtBeat სტამბულის ხელოვნების ბაზრობაზე ArtInternational 2015

14

მარიამ ლორია- სტამბულში უკვე მეორე ხელოვნების ბაზრობაზე მონაწილეობდით (პირველი CI 2014 იყო), რითი გამოირჩევა ArtInternational

ნათია ბუკია– Art International-ზე უფრო მეტად წარმოდგენილია უკვე საკმაოდ ცნობადი გალერეები, რომლებიც ძალიან კარგ ხელოვნებას აჩვენებენ. ასევე ძალიან ინტერნაციონალური არტ ბაზრობაა.  CI უფრო მეტად ლოკალურ კოლექციონერებზე აკეთებს აქცენტს, ხოლო ArtInternational-ის მთავარი მიზანი საერთაშორისო კოლექციონერების თურქეთით დაინტერესება და სტამბულში ჩამოყვანაა.

18  11997433_10156008839785035_341365223_n

მ.ლ. – რა გამოხმაურება ქონდა ქართველი მხატვრების ნამუშევრებს? კოლექციონერები თუ დაინტერესდნენ? 

ნ.ბ. – ძალიან ბევრი კომპლიმენტი მივიღეთ, მართლა ვერ ვფარავდი სიხარულს. ბაზრობის გახსნიდან ნახევარ საათში ცნობილმა თურქმა კოლექციონერმა, ჰუმა კაბაჩიმ (Huma Kabakci) იყიდა მაია სუმბაძის სამი ნამუშევარი (ეს ნამუშევრები სტამბულის პერა მუზეუმში იქნება გამოფენილი 2016 წელს). გიო სუმბაძის ფოტოების მთელი სერია კი ძალიან კარგმა პარიზელმა კოლექციონერმა იყიდა, რომლის სახელსაც არ დავასახელებ.

_DSF7489 1

მ.ლ- რამდენად წარმატებული ბაზრობა იყო და კიდევ თუ აპირებთ თურქეთში მსგავს არტ ღონისძიებებში მონაწილეობას?

ნ.ბ.- ჩვენთვის ძალიან წარმატებული ბაზრობა იყო. გარდა იმისა, რომ გაყიდვების კუთხითაც ძალიან წარმატებული იყო, ის არის გასახარი, რომ უკვე ხალხი გვიცნობს და გვცნობს. როდესაც ახალი ნაცნობები თავიანთ მეგობრებს იმ სიტყვებით აცნობენ შენს თავს, რომ ძალიან მოსწონთ, რასაც აკეთებ, რაღაც მხრივ რწმუნდები, რომ სწორ გზაზე დგახარ. აუცილებლად მომავალ წელსაც მივიღებთ მონაწილეობას. ასევე ნოემბერში დაგეგმილი გვაქვს CI-ზე მონაწილეობის მიღება. მაკა ბატიაშვილს, ირაკლი ბუგიანს და დავით მესხს წარვადგენთ.

IMG_3643   IMG_3646

მ.ლ- რატომ არის ეს სივრცე (თურქეთი, სტამბული) თქვენთვის საინტერესო? 

ნ.ბ.- სტამბულის არტ სცენა ძალიან სწრაფად ვითარდება. წლევანდელი ბიენალე ძალიან მაღალი ხარისხის იყო. ასევე სტამბულში არის ძალიან კარგი თანამედროვე ხელოვნების გალერეები, მაგალითად რამპა, რომელიც წელს აღმოვაჩინე და აღვფრთოვანდი. გარდა იმისა, რომ ლოკალური კოლექციონერების ბაზა იზრდება, სტამბული საინტერესო ხდება საერთაშორისო კოლექციონერებისთვისაც. ჩვენც ძალაინ კარგად მიგვიღო სტამბულმა. მოსწონთ რასაც ვაკეთებთ, მოსწონთ ჩვენი არტისტების ნამუშევრები. უკვე გვყავს მუდმივი მყიდველები, რომლებიც ელოდებიან ჩვენს იქ ჩასვლას. ამ მხრივ ეს ქვეყანა ჩვენთვის უმნიშვნელოვანესი გახდა.

11998462_10156008839805035_1118289420_n  11997967_10156008839895035_1662280286_n

ფოტოები: ნათია ბუკია, ლევან მინდიაშვილი

მარიამ ლორია

სექტემბერი, 2015