Tag Archives: თანამედროვე ხელოვნება

ინტერვიუ გიო სუმბაძესთან ნიუ იორკში გალერეა Art in General-ში ქართველი არტისტების გამოფენის Beyond Credit შესახებ

2 თებერვალს ნიუ იორკში გალერეა Art in General-მა ბრუკლინში ქართველი არტისტების ჯგუფის გამოფენით Beyond Credit ახალი სივრცე გახსნა. გამოფენაში მონაწილეობენ თეა გვეტაძე, მამუკა ჯაფარიძე, ნიკა მაჩაიძე, ნინო სეხნიაშვილი და გიო სუმბაძე. კურატორი არის ვატო წერეთელი.

ქართველი კურატორის და არტისტების მრავალმხრივ საინტერესო გამოფენამ დამთვალიერებლების საკმაოდ დიდ ნაკადს უმასპინძლა და 2016 წლის აპრილამდე კიდევ ღია იქნება.  მოხარულნი ვართ, რომ გამოფენის მხარდამჭერთა შორის Project ArtBeat-იც არის.

Beyond Credit შესახებ გიო სუმბაძეს, Project ArtBeat-ის არტისტს და გამოფენის მონაწილეს ვესაუბრე.

es

მარიამ ლორია – ვისი იდეა იყო Art in General-ში გამოფენის გაკეთება? როგორ შეიკრიბეთ?

გიო სუმბაძე – შარშან მესტუმრნენ Art in General-ის კურატორები ქირსთენ ჩაპა (Kirsten Chappa) და ენ ბერლოუ (Anne Barlow). მათ შევხვდი და ვისაუბრეთ. შემდეგ ვატოს შეხვდნენ CCA-ში და უკვე საქმიანი ურთიერთობა დაიწყეს.  Art in General -თან თანამშრომლობით პირველი ჩუბიკას გამოფენა  გაკეთდა 2015 წელს. მეორე გამოფენა უკვე ჩვენი ჯგუფის არის Beyond Credit სადაც ვმონაწილეობთ თეა გვეტაძე, მამუკა ჯაფარიძე, ნიკა მაჩაიძე, ნინო სეხნიაშვილი, მე. გამოფენა კურირებული არის ვატო წერეთლის მიერ. ეს იყო პარალელურად მათი ახალი სივრცის გახსნა.

მ.ლ. შენ რას ფიქრობ გამოფენაზე? როგორი გამოვიდა?

გამოფენის კონტექსტი ძალიან კარგად  შეკრული და გამართულია. ყველა ნამუშევარი დიალოგშია  ერთმანეთთან. საქართველოსა და ამერიკის დიალოგის მხრივაც ძალიან გამართული და საინტერესო იყო. ჩემთვის ეს ძალიან მნიშვნელოვანი გამოფენაა. კარგად იყო ორგანიზებული ჩვენი მხრიდანაც და Art in General-ის მხრიდანაც. საერთოდ მნიშვნელოვანი ორგანიზაცია ჩანს. Project ArtBeat-ს მადლობა, რომ ხელი შემიწყო რომ წავსულიყავი გამოფენაზე. Art in General-ის სივრცეში რომ  გამოჩნდა, ეს  მგონი ArtBeat-ისთვის ძალიან კარგია.

ess

მ.ლ. შენი ნამუშევრის შესახებ მომიყევი რომელიც იყო Beyond Credit-ზე წარმოდგენილი.

გ.ს. – ნამუშევარი სპეციალურად ამ სივრცისთვის გავაკეთე. მას ქვია Connecting Skies / ცების დაკავშირება. ძალიან მაინტერესებს ეკოლოგიის თემა და ის პროცესები რაც ბუნებას შეეხება. შესაბამისად თვალყურს ვადევნებ ამ მხრივ მიმდინარე პროცესებს საქართველოშიც და ამერიკაშიც. რადგან საშუალება მქონდა, ამ თემას გამოვეხმაურე ჩემი ნამუშევრით.  მე მაინტერესებს ატმოსფერული ფიზიკა და გარემოს დაბინძურების/ სისუფთავის დონე, სად როგორი მაჩვენებელი არის. ამ მხრივ ამერიკა ერთ-ერთი საუკეთესოა, რადგან ყველაზე მეტად უფრთხილდება ეკოლოგიას. შესაბამისად ჩვენი ღრუბლების ჩვენება იქ მემეტება, რადგან ვიცი რომ ამერიკაში ზრუნავენ გარემოზე, წმენდენ და ასუფთავებენ, არ აბინძურებენ მას. ამ მხრივ საინტერესო იყო ამერიკის კონტექსტი.

მეორე მხრივ, ჩემთვის მნიშვნელოვანი იყო დიალოგი  Beyond Credit-ის არტისტების ჯგუფთან  და კურატორთან. თეა გვეტაძესთან ერთად პირველი გამოფენა იყო და მეამაყება. სხვებთან ადრეც მიმუშავია და საინტერესო იყო მათთან მუშაობა კიდევ ერთხელ.

მ.ლ.ჩამოიტანე ნიუ იორკიდან იდეები? მასალები?

გ.ს. – კი, რა თქმა უნდა! ასე შორს ტყუილად წასვლა დაუფიქრებელი იქნებოდა. ის მასალები, კადრები რაც ნიუ იორკიდან მაქვს, ვფიქრობ რომ რაღაცნაირად ნამუშევრების სახესაც მიიღებს. ჯერ არ ვიცი სად და როგორ ვაჩვენებ.

 

მარიამ ლორია

მარტი, 2016

Project ArtBeat სტამბულის ხელოვნების ბაზრობაზე Contemporary Istanbul 2015

i 12285702_10156361793855595_1063935245_n

მარიამ ლორია – გალერეა 2015 წელს უკვე მონაწილეობდა სტამბულში Art International ხელოვნების ბაზრობაზე, რით არის გამორჩეული CI?

ნინო მაჭარაშვილი (პროექტების მენეჯერი) – ArtInternational და Contemporary Istanbul ყველაზე წარმატებული ხელოვნების ბაზრობებია სტამბულში. Project ArtBeat ორჯერ მონაწილეობდა CI-ზე, 2015 წელს კი პირველად იყო წარმოდგენილი ArtInternational-ზე. რაც შეეხება განსხვავებას, ArtInternational უფრო საერთაშორისო კოლექციონერებზე არის ორიენტირებული, Contemporary Istanbul კი ადგილობრივ დამთვალიერებლებზე. თუმცა, ორივე ფეარის მიზანია სტამბულის, როგორც კულტურული ცენტრის მნიშვნელობის გაზრდა რეგიონში. 2015 წელს, Contemporary Istanbul-ის ორგანიზატორებმა 10 წლის იუბილე აღნიშნეს და მთელს მსოფლიოში მოაწყვეს სხვადასხვა ღონისძიებები. სტამბულის კონგრეს ცენტრში, Project ArtBeat-თან ერთად, ასამდე გალერეა იყო წარმოდგენილი, 24 ქვეყნიდან.

12270403_10156361793715595_1932491417_n

მ.ლ. – როგორ შეირჩა მხატვრები CI-სთვის?

ნ.მ. – Project ArtBeat-მა 2015 წელს მაკა ბატიაშვილი, დავით მესხი და ირაკლი ბუგიანი წარმოადგინა Contemporary Istanbul-ზე. მაკას და ირაკლის ფერწერას დამთვალიერებელი უკვე იცნობდა სტამბულში წინა ფეარებიდან. დავით მესხის ლაით ბოქსები კი, ცოტა ხნით ადრე, სპეციალურად შეიქმნა  მისი პესონალური გამოფენისთვის Project ArtBeat-ის Moving Gallery-ში.

საქართველოში დაბადებულ სამივე არტისტს  პოსტ-საბჭოთა პერიოდში მიღებული შთაბეჭდილებები აერთიანებთ. ისინი, დღეს, მსოფლიოს სხვადასხვა არტ სცენას მიეკუთვნებიან. ფერწერა, ფოტოგრაფია და შერეული ტექნიკით შესრულებული ნამუშევრები  ქართულ თანამედროვე ხელოვნებას სამი სხვადასხვა მიმართულებით წარმოადგენს.

m  12270520_10156361793080595_2014648547_n

მ.ლ. – 2015 წელს  როგორ შეგხვდათ  დამთვალიერებელი?

ნ.მ. ძალიან სასიამოვნო იყო, როცა დამთვალიერებელი პოზიტიურ ემოციებს გვიზიარებდა. Project ArtBeat-ის ექსპოზიცია კოლექციონერების და ხელოვნების მოყვარულების დადებით შეფასებებს იმსახურებდა. ჩვენს გალერეას უკვე მუდმივი კლიენტები ჰყავს თურქეთში. ისინი ელოდებიან ყოველ ჩვენს ჩასვლას და სიამოვნებით ყიდულობენ თანამედროვე ქართველი ხელოვანების ნამუშევრებს. ჩვენმა გამოფენამ ფეარზე არტ კრიტიკოსების მოწონება დაიმსახურა. ცნობილი თურქი მხატვარი კომეტი აღფრთოვანდა მაკა ბატიაშვილის ნამუშევრებით და უზიარებდა შთაბეჭდილებებს ჩვენი გალერეის ერთ-ერთ დამფუძნებელს სალომე ვახანიას. Contemporary Istanbul 2015 ძალიან წარმატებული აღმოჩნდა Project ArtBeat-ისათვის.

12184294_471112039734421_8186281921772561167_o FullSizeRender

მ.ლ. – სტამბულის არტ სცენამ როგორ მიიღო ქართული გალერეა?

ნ.მ. – შეიძლება ითქვას, რომ Project ArtBeat-მა უკვე თავისი ადგილი დაიმკვიდრა სტამბულის არტ სცენაზე და არა მხოლოდ. თანამედროვე ხელოვნების რამდენიმე გალერეამ თანამშრომლობა შემოგვთავაზა. თებერვალში კი მაია სუმბაძის ნამუშევრები გამოიფინება სტამბულის პერა მუზეუმში, როგორც ცნობილი თურქი კოლექციონერის ჰუმა კაბაჩის კოლექციის ნაწილი. ჰუმამ მაიას ნამუშევრები ArtInternational-ზე შეიძინა. Project ArtBeat-ის შესახებ დაიწერა ცნობილ თურქულ გამოცემაში Istanbul Art News.

12283295_10156361793480595_1475167604_n  12286138_10156361793265595_1365526525_n

მარიამ ლორია

იანვარი, 2016