Tag Archives: ხელოვნების ბაზრობა

Project ArtBeat სტამბულის ხელოვნების ბაზრობაზე Contemporary Istanbul 2015

i 12285702_10156361793855595_1063935245_n

მარიამ ლორია – გალერეა 2015 წელს უკვე მონაწილეობდა სტამბულში Art International ხელოვნების ბაზრობაზე, რით არის გამორჩეული CI?

ნინო მაჭარაშვილი (პროექტების მენეჯერი) – ArtInternational და Contemporary Istanbul ყველაზე წარმატებული ხელოვნების ბაზრობებია სტამბულში. Project ArtBeat ორჯერ მონაწილეობდა CI-ზე, 2015 წელს კი პირველად იყო წარმოდგენილი ArtInternational-ზე. რაც შეეხება განსხვავებას, ArtInternational უფრო საერთაშორისო კოლექციონერებზე არის ორიენტირებული, Contemporary Istanbul კი ადგილობრივ დამთვალიერებლებზე. თუმცა, ორივე ფეარის მიზანია სტამბულის, როგორც კულტურული ცენტრის მნიშვნელობის გაზრდა რეგიონში. 2015 წელს, Contemporary Istanbul-ის ორგანიზატორებმა 10 წლის იუბილე აღნიშნეს და მთელს მსოფლიოში მოაწყვეს სხვადასხვა ღონისძიებები. სტამბულის კონგრეს ცენტრში, Project ArtBeat-თან ერთად, ასამდე გალერეა იყო წარმოდგენილი, 24 ქვეყნიდან.

12270403_10156361793715595_1932491417_n

მ.ლ. – როგორ შეირჩა მხატვრები CI-სთვის?

ნ.მ. – Project ArtBeat-მა 2015 წელს მაკა ბატიაშვილი, დავით მესხი და ირაკლი ბუგიანი წარმოადგინა Contemporary Istanbul-ზე. მაკას და ირაკლის ფერწერას დამთვალიერებელი უკვე იცნობდა სტამბულში წინა ფეარებიდან. დავით მესხის ლაით ბოქსები კი, ცოტა ხნით ადრე, სპეციალურად შეიქმნა  მისი პესონალური გამოფენისთვის Project ArtBeat-ის Moving Gallery-ში.

საქართველოში დაბადებულ სამივე არტისტს  პოსტ-საბჭოთა პერიოდში მიღებული შთაბეჭდილებები აერთიანებთ. ისინი, დღეს, მსოფლიოს სხვადასხვა არტ სცენას მიეკუთვნებიან. ფერწერა, ფოტოგრაფია და შერეული ტექნიკით შესრულებული ნამუშევრები  ქართულ თანამედროვე ხელოვნებას სამი სხვადასხვა მიმართულებით წარმოადგენს.

m  12270520_10156361793080595_2014648547_n

მ.ლ. – 2015 წელს  როგორ შეგხვდათ  დამთვალიერებელი?

ნ.მ. ძალიან სასიამოვნო იყო, როცა დამთვალიერებელი პოზიტიურ ემოციებს გვიზიარებდა. Project ArtBeat-ის ექსპოზიცია კოლექციონერების და ხელოვნების მოყვარულების დადებით შეფასებებს იმსახურებდა. ჩვენს გალერეას უკვე მუდმივი კლიენტები ჰყავს თურქეთში. ისინი ელოდებიან ყოველ ჩვენს ჩასვლას და სიამოვნებით ყიდულობენ თანამედროვე ქართველი ხელოვანების ნამუშევრებს. ჩვენმა გამოფენამ ფეარზე არტ კრიტიკოსების მოწონება დაიმსახურა. ცნობილი თურქი მხატვარი კომეტი აღფრთოვანდა მაკა ბატიაშვილის ნამუშევრებით და უზიარებდა შთაბეჭდილებებს ჩვენი გალერეის ერთ-ერთ დამფუძნებელს სალომე ვახანიას. Contemporary Istanbul 2015 ძალიან წარმატებული აღმოჩნდა Project ArtBeat-ისათვის.

12184294_471112039734421_8186281921772561167_o FullSizeRender

მ.ლ. – სტამბულის არტ სცენამ როგორ მიიღო ქართული გალერეა?

ნ.მ. – შეიძლება ითქვას, რომ Project ArtBeat-მა უკვე თავისი ადგილი დაიმკვიდრა სტამბულის არტ სცენაზე და არა მხოლოდ. თანამედროვე ხელოვნების რამდენიმე გალერეამ თანამშრომლობა შემოგვთავაზა. თებერვალში კი მაია სუმბაძის ნამუშევრები გამოიფინება სტამბულის პერა მუზეუმში, როგორც ცნობილი თურქი კოლექციონერის ჰუმა კაბაჩის კოლექციის ნაწილი. ჰუმამ მაიას ნამუშევრები ArtInternational-ზე შეიძინა. Project ArtBeat-ის შესახებ დაიწერა ცნობილ თურქულ გამოცემაში Istanbul Art News.

12283295_10156361793480595_1475167604_n  12286138_10156361793265595_1365526525_n

მარიამ ლორია

იანვარი, 2016

Project ArtBeat ლონდონში ხელოვნების ბაზრობაზე START

11998375_10156142169985595_1549032998_n  12007113_10156009066355035_837768900_n

2015 წლის 10-13 სექტემბერს ლონდონში Saatchi Gallery -ში ხელოვნების ბაზრობა START მეორედ გაიმართა. წელს START-ზე თბილისიდან გალერეა Project ArtBeat იყო წარმოდგენილი.

Project ArtBeat -მა ბაზრობაზე  ტატო ახალკაციშვილის, მაკა ბატიაშვილის, ირაკლი ბუგიანის და სოფო ჩხიკვაძის ნამუშევრები წარადგინა და საზოგადოების და პრესის საკმაოდ დიდი ყურადღება დაიმსახურა.

11998488_10156009066405035_2077303747_n  11995400_10156008837080035_123094755_n (1)

ArtBeat-ის ექსპოზიცია Fragmented აერთიანებდა ნამუშევრებს, რომლებიც მეხსიერების ფრაგმენტებისგან შედგება. ეს ნამუშევრები  რეალობის  შესაძლებელ, მეხსიერებაში არსებულ  ვარიანტს გვთავაზობს. გამოფენაზე წარმოდგენილ საქართველოში დაბადებულ არტისტებს პოსტსაბჭოთა სიტუაციის ტურბულენტური მდგომარეობა აერთიანებს. სურათები, რომლებსაც ისინი ქმნიან, განსხვავებულ ცხოვრებისეულ გამოცდილებას ეყრდნობა.

IMG_1388 IMG_1391

START ხელოვნების ბაზრობის შესახებ სალომე ვახანიას ვესაუბრე:

მარიამ ლორია –   რითი არის გამორჩეული START ხელოვნების ბაზრობა?

სალომე ვახანია –  მისი მთავარი მიზანია ხელი შეუწყოს ახალგაზრდა გალერეებსა და არტისტებს თავი იჩინონ თანამედროვე ხელოვნების საერთაშორისო სივრცეში. START-ის დამფუძნებლებსა და მონაწილე გალერისტებს შორის ძალიან ახლო, მეგობრული დამოკიდებულებაა, რაც ამარტივებს თანამშრომლობას. მათთან მუშაობა სასიამოვნო და ამასთანავე კოლაბორაციის სახეს იღებს.

11992027_10156142170175595_1155038029_n   IMG_1389

მ.ლ. –  რა მნიშვნელობა აქვს ლონდონში START-ზე   ქართული გალერეის მონაწილეობას?

ს.ვ. –  START ხელოვნების ბაზრობა იმართება ლონდონის ერთ-ერთ მნიშვნელოვან გალერეაში Saatchi Gallery, რომელსაც ყოველ დღე ათასობით დამთვარიელებელი ჰყავს. ქართველი არტისტების ამ საგამოფენო სივრცეში მოხვედრა ძალიან მნიშვნელვანი ნაბიჯია მათ კარიერაში. Project ArtBeat-ის გუნდი ძალიან მოხარულები ვართ, რომ ჩვენ ამ მნიშვნელოვანი მომენტის მონაწილეები გავხდით. ასევე START-ის დამფუძნებლების დავიდ და სერენელა სიკლიტირებისა (David & Serenella Ciclitira) და დირექტორის ნირუ რათნამის  (Niru Ratnam) სახით Project ArtBeat-მა მნიშვნელოვანი მეგობრები შეიძინა. ისინი ჩვენი გალერეის გულშემატკივრები არიან.  მათგან უანგარო ყურადღება და რჩევები ძალიან დასაფასებელია.

IMG_1407  11998478_10156142170190595_2059433249_n

მ.ლ. –   რა გამოხმაურება ქონდა თქვენს მონაწილეობას ბაზრობაზე? სადმე დაიწერა Project ArtBeat-ის და თქვენი წარდგენილი მხატვრების შესახებ?

ს.ვ. –  გარდა იმისა, რომ ProjectArtBeat-ის მიერ START-ზე წარდგენილი მხატვრების მაკა ბატიაშვილის, ირაკლი ბუგიანის, სოფო ჩხიკვაძის ნამუშევრებს უამრავი მნახველი ჰყავდა და ყოველდღიურად უამრავ კომპლიმენტსა და დადებით შეფასებას ვიღებდით სტუმრებისგან, ასევე პრესაში მიღებული პოზიტიური გამოხმაურება იყო ძალიან მნიშვნელოვანი. The Art Newspaper-ის სტატიაში, რომელიც START არტ ბაზრობას მიმოიხილავდა ცნობილმა არტკრიტიკოსმა ლუიზა ბუკმა  (Louisa Buck, 2005 წელს Turner Prize-ის ჟიურის წევრი გახლდათ) ძალიან დადებითად მოგვიხსენია. ასევე Artnet News-ის სტატიაში სათაურით 10 Great Reasons to Visit London’s START Art Fair ერთ-ერთი მიზეზი ამ 10-დან გალერეა Project ArtBeat გახლდათ. გარდა უცხოურ პრესაში ასეთი დადებითი გამოხმაურებისა, ჩვენთვის ძალიან გასახარი იყო ქართული პრესის შეფასება.მარიამ

11995496_10156142170455595_1488260957_n  11998217_10156008837060035_1307353450_n

მარიამ ლორია

22.09.2015